МУНИЦИПАЛЬНОЕ БЮДЖЕТНОЕ УЧРЕЖДЕНИЕ "КЕПТЕНИНСКИЙ ЦЕНТР ДОСУГА ИМЕНИ ПЕТРА ПЕТРОВИЧА ОГОТОЕВА" МУНИЦИПАЛЬНОГО ОБРАЗОВАНИЯ "ЛЕГОЙСКИЙ НАСЛЕГ" УСТЬАЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Записи в рубрике Uncategorized

Муус устар 26 күнүгэр Саха АССР төрүттэммитэ 100 сылын бэлиэтиир үөрүүлээх тэрээһин Бүөтүр Оҕотоойоп аатынан сынньалаҥ киинигэр ыытылынна. Тэрээһин саамал кымыс утахтаах, унаар буруо арчылаах ыалдьыттары көрсүүнэн саҕаланна.

Саха норуота  күн бүгүнүгэр дылы илдьэ кэлбит уус-уран айымньытынан дьүһүйүү, Баһылык эҕэрдэтэ, үбүлүөйбүт Өрөгөйдөөх оһуохайа ону тэҥэ кинигэ уонна “Эйгэ” коллекционердар выставкалара үөрүүлээх түһүлгэ силигин ситэрэн биэрдэ.

Саха автономията төрүттэммитэ 100 сылынан сибээстээн Бүөтүр Оҕотоойоп аатынан сынньалаҥ киинигэр кулун тутар 3 күнүттэн саҕалаан кыл-сиэл кистэлэҥнэригэр. Легей орто оскуолатын технологияҕа учуутала Екатерина Дмитриевна Копырина анал бырайыагынан маастар-кылаастар ыытылла тураллар. Бу бырайыакка саха төрүт үгэһин сөргүтэр сыаллаах ситии хатыытын үлэтэ саҕаланна. Маастар-кылааска үөрэммит биһиги эбэлэрбит, ийэлэрбит олорор нэһилиэктэригэр 100 м. ситии хатан үлэлэрин Ыһыах маанылаах симэҕэ буоларыгар, бэлэх уунуохтаахтар. Екатерина Дмитриевна Копыринаҕа сүбэ-ама биэрэн үөрэтэ сылдьарыгар махтанабыт.

Саха өрөспүүбүлүкэтин “Бастыҥ олонхону уһуйааччы” национальнай бириэмийэ анал аат хаһаайката, Лөгөй, Баатаҕай нэһилиэгин бочуоттаах олохтооҕо,Саха өрөспүүбүлүкэтин үөрэҕириитин уонна Ыччат политикатын туйгуна Зинаида Петровна Лугинова көҕүлээһининэн Арассыыйаҕа төрүт култуураны сөргүтүү, Өрөспүүбүлүкэҕэ үөрэҕирии эйгэтигэр ааҕыы, Саха автономията төрүттэммитэ 100 сылларыгар, “Ийэ тыл уонна сурук-бичик” күнүгэр аналлаах “Нэһилиэгинэн олонхону дорҕоонноохтук ааҕыы” акция ыҥырыытыгар холбоһон биһиги култуурабыт киинэ олунньу 13 күнүгэр Сергей Васильев – Борогонскай “Үөлэн Хардааччы” олонхоттон быһа тардыыны ааҕан кыттыыны ылла.

100-лет ЯАССР

В 2022 году состоится историческое событие-100-летие образования Якутской автономной республики, празднование которого станет духовным историческим событием.В рамках подготовки к юбилейной дате будут организованы различные культурно-массовые мероприятия.

Тохсунньу 14-15 күннэригэр Лөгөй нэһилиэгин Сыл бастыҥнарын бэлиэтээһин уонна “Аал уот” бэтэрээннэр түмсүүлэрин дьоро күннэрэ ыытылыннылар. Кыттыыны ыллылар: Суорун Омоллоон аатынан опера уонна балет театрын артыыһа, “Үрдэл” музыкальнай бириэмийэ, “Созвездие” бүтүн Россиятааҕы күрэхтэр Лауреаттара Леонид Готовцев, “Үрдэл” музыкальнай бириэмийэ икки төгүллээх Лауреата, “Этигэн Хомус” анал аат хаһаайына, дэгэрэн ырыа күрэ5ин хас да төгүллээх кыайыылааҕа Василий Местников Биһиги коллективтан “Культура эйгэтин бастыҥ үлэһитэ” анал аат хаһаайынынан буолла, кулууп техническэй үлэһитэ Дмитрий Егорович Шелковников. “Улуус бастыҥ суруналыыһа” анал аат туттарылынна бэтэрээн үлэһиппитигэр Ульяна Ивановна Бурнашеваҕа, “Лөгөй нэһилиэгин социальнай-экономическэй сайдыытын иһин” бэлиэнэн наҕараадаланна методист Вера Егоровна Сыроватская. “Аал уот” бэтэрээннэр Саҥа дьыллааҕы көрсүһүүлэригэр кыттыыны ыллылар Тандатааҕы“Ситим” бэтэрээннэр түмсүүлэрин делегацията.

Үүммүт сыл барыбытыгар элбэх үөрүүнү-көтүүнү, үлэҕэ үрдүк ситиһиилэри, дьолу-саргыны түстээтин!

Тохсунньу 1️⃣4️⃣ күнэ ☀️Киэhэ 1️⃣9️⃣:0️⃣0️⃣ чаастан П.П.Оготоев аатынан сынньалаҥ киинэ🏬

“СЫЛ БАСТЫҤНАРА”2021 сыл түмүгүнэн Лөгөй нэһилиэгин сыл бастыҥнарыгар Анал бириэмийэлэри туттарар үөрүүлээх тэрээһинигэр ыҥырабыт! КЫТТЫЫНЫ ЫЛЛАЛЛАР: 🎼 Суорун Омоллоон аатынан опера уонна балет театрын артыыhа,“Yрдэл” музыкальнай бэриэмийэ 2019,2021 сыллаах лауреата, “Созвездие” бүтүн россиятааҕы күрэх лауреатаЛеонид Готовцев “Үрдэл” музыкальнай бириэмийэ икки төгүллээх лауреата,“Этигэн Хомус” наминана, дэгэрэн ырыа күрэхтэрин кыттыылааҕаВасилий Местников

Бүөтүр Оҕотоойоп аатынан сынньалац киинэ Саҥа 2022 сылы өрө күүрүүлээхтик көрүстүбүт. “Хотугу Байҕал дьалхаана” мюзикл, “Сулустар кэпсииллэр” эҕэрдэ кэнсиэр, “Дьоллоох тугэн” дьоро киэһэ, П.Н. Гоголев аатынан Хомустаахтааҕы сынньалаҥ киинэ кыттыылаах “Ороһуоспа уоттара” холбоҺуктаах кэнсиэр керөөччү биһирэбилин ылла.(режиссер-уус-уран салайааччы В.К. Федорова). Үүммүт сыл биһиэхэ үбүлүөйдээх сылларынан бэлиэтэнэр. Ол курдук кулууп тэриллибитэ 70, саҥа кулууп тутуллан үлэҕэ киирбитэ 10 сыллаах үбүлүөйдэрин үлэҕэ үрдүк ситиһиилэрдээх керсөр былааннаахпыт.

Приказ №2-АХВ «О временном порядке предоставления услуг лицам в возрасте 60лет старше в МБУ «Кептенинский ЦД им. П.П. Оготоева»в условиях новой короновирусной инфекции» (COVID-19)

приказ

Приказ №2-АХВ «О временном порядке предоставления услуг лицам в возрасте 60лет старше в МБУ «Кептенинский ЦД им. П.П. Оготоева»в условиях новой короновирусной инфекции» (COVID-19)