Ырыа күнэ бэлиэтэннэ. Ол курдук Бүөтүр Оҕотоойоп аатынан сынньалаҥ киинигэр “Лөгөй нэһилиэгин умнуллубат куоластара” урукку кэм ырыаһыттарын үйэтитиллибит ырыаларыгар аудиорепортаж ыытылынна. Бу тэрээһиҥҥэ Саха таҥаһын быыстапката тэриллэн дьон болҕомтотун тарта, ону тэҥэ саламаат, саамал кымыс утахтаах дьаарбаҥка кэлбит дьон үөрүүлэрин үксэттэ.
Хомустаахтааҕы Бүөтүр Никотонович Гоголев аатынан сынньалаҥ киинигэр түөлбэлэр икки ардыларыгар “Битва хоров”, Даалытааҕы Социалистическай Үлэ Героя Анастасия Семеновна Копырина аатынан Арчы дьиэтигэр “Ырыа-олох аргыһа” диэн ааттаах сайыны көрсүү дьоро күнүгэр ырыа аргыстаах тэрээһин ыытылынна. Бу күн Ырыа күнэ барыбытын түмтэ.
