Арассыыйаҕа Норуоттар сомоҕолоһууларын, Саха сириэр култуура, Уус Алдан улууһугар түмсүү уонна бииргэ үлэлээһин сылларыгар анаммыт “Кэхтибэт талааннар” бэстибээл Дүпсүн нэһилиэгэр

Лөгөй нэһилиэгэ алтынньы 23 күнүгэр “Кэхтибэт талааннар” бэстибээлгэ Дүпсүн нэһилиэгэр баран кыттан кэллэ. Мүрү, 1 Хоро, Лөгөй, Найахы нэһилиэктэрин талба талааннаах бэтэрээннэрэ үрдүк таһымнаах чаҕылхай кэнсиэри көрөөччүлэргэ бэлэхтээтилэр. Уопсайа 5 улахан нэһилиэктэн 134 аҕам саастаах көлүөнэ дьон кыттыыны ыллылар.

Бэстибээл улуустааҕы бэтэрээннэр сэбиэттэрин бэрэссэдээтэлэ Иван Колодезников, Дүпсүн нэһилиэгин тыа сирин түөлбэтин дьаһалтатын специалиһа Майя Прибылых эҕэрдэлэринэн уонна Дүпсүн эдэр ыччаттарын эҕэрдэ үҥкүүлэринэн саҕаланна.

Бэстибээл “Аал уот” бэтэрээннэр түмсүүлэрин салайааччыта Ульяна Бурнашева, Бүөтүр Оҕотоойоп аатынан сынньалаҥ киин уус-уран салайааччыта Варя Федорова көҕүлээһиннэринэн ыытылынна. Лөгөй кэнсиэрин Марианна Фред Попова иилээн-саҕалаан ыытта.

Дьүүллүүр сүбэ иһитиннэриитинэн лауреаттарынан буоллулар: солоҕа Егор Лугинов, уус уран ааҕыыга Ульяна Бурнашева.

Дипломаннарынан буоллулар:

“Айылгы” вокальнай ансаамбыл уонна “Сомоҕолоһуу” үҥкүү.

Түмүккэ толоруу маастарыстыбата, маассабас, көстүүм сыаналанан

-Дүпсүн-4,81

-1Хоро-4,82

-Мүрү-4,87

-Лөгөй-4,90

-Найахы-4,91 бааллары ыллылар.

 Түмүккэ фуршет маанылаах остуолун тэрийбит уонна ырыа-үҥкүү дьоро киэһэтин көҕүлүттэн туппут Дүпсүн дьонугар-сэргэтигэр, култуура үлэһиттэригэр махтанабыт. Салгыы бастакы бөлөҕү түмүктүүр бэстибээл Тумул бөһүөлэгэр ыытыллар.