🌱🌿 ≪Лөгөй оҕуруоччуттара≫ түмсүү кыттыылаахтара рассаада олордор түбүктээх кэмнэригэр бэлэмнэнэн эрэллэр. Бүгүн Кэптэнигэ агроном идэлээх биир дойдулаахтара Мария Мигалкина оҕуруот аһын, сибэкки сиэмэтин, араас элбэх уоҕурдууну атыылаата, өлгөм үүнүүнү ыларга сүбэлээтэ-амалаата.
Бу тэрээһин бэлиэ түгэнинэн ≪Байылыат олох – тиэргэнтэн≫ диэн ≪Лөгөй оҕуруоччуттара≫ түмсүү альбом-кинигэни таһааран билиһиннэрбитэ буолла. Бу альбомҥа хас биирдии оҕуруоччут хаһаайка оҕуруотун, сибэккилэрин хаартыскалара, түмсүү ыытар тэрээһиннэриттэн, куонкурустарыттан хаартыскалара, тэттик сүбэлэр, бэл оҕуруот аһыттан хаһаас астарын ырысыаптара киирдилэр.
Альбом матырыйаалын хомуйууга түмсүү салайааччыта Надежда Бурнашева үлэлэһэн, түмсүүтүн кыттыылаахтарыгар бэртээхэй өйдөбүнньүк уонна туһалаах бэлэҕи оҥордо.
