«Улуу Кыайыы 81 сыла — Лөгөй нэһилиэгэр»

Ыам ыйын 8 күнүгэр Кыайыы болуоссатыгар  “Өйдүүбүт! Сүгүрүйэбит! Махтанабыт!” өйдөбүнньүк чүмэчи аахсыйата ыытылынна. Ыам ыйын 9 күнүгэр Улуу Кыайыы 81 сылыгар аналлаах “Ким да умнуллубат, туох да умнуллубат” торжественнай миитин ыытылынна. Тэрээһин “Улуу Кыайыыны уһансыбыттара” радиорепортажтан, Лөгөй нэһилиэгин олохтоохторун, үлэһит кэллэктииптэрин параадыттан саҕаланна. Эҕэрдэ тылы Лөгөй нэһилиэгин дьаһалтатын баһылыга Н.Н. Попов, Лөгөй нэһилиэгин бэрэстэбиитэллээх уорганын бэрэссэдээтэлэ Д.Н. Шарков, “Аал уот” бэтэрээннэр сэбиэттэрин бэрэссэдээтэлэ У.И. Бурнашева эттилэр. Үүнэр көлүөнэ ыччаттар ааттарыттан “Өйдөбүнньүк уотугар” венок ууруута, тохтобул мүнүүтэтэ биллэрилиннэ.

            “Аал уот” бэтэрээннэр вокальнай ансаамбыллара, Лөгөй лицей-интернат үөрэнээччилэрин эҕэрдэлэрэ киэргэттилэр.  “Саллаат хааһыта” аахсыйа, СӨ спортка уонна физическай култуураҕа спордун үтүөлээх үлэһитэ,  педагогическай үлэ уонна Арассыыйа спордун бэтэрээнэ, Лөгөй нэһилиэгин, Уус-Алдан улууһун бочуоттаах олохтооҕо Г.К. Дячковскай аатынан түөлбэлэр икки ардыларыгар эстафета үрдүк таһымҥа ыытылынна. Эстафета түмүгүнэн I-кы миэстэни “Сардаҥа”,   II-с миэстэни “Сарыал”, III-с миэстэни “Саһарҕа” түөлбэлэрэ ыллылар. Кыайыылаахтар мэдээллэринэн наҕараадаланнылар. 

Кыайыыны ситиспит хорсун-хоодуот санаалаах буойуннарга, сэрии, тыыл бэтэрээннэригэр, билигин буола турар анал байыаннай дьайыы кыттыылаахтарыгар хоолдьуктаах бэйэбит хоҥкуйан, сүһүѳхтээх бэйэбит сүгүрүйэн туран кинилэр үрдүк ааттарыгар  барҕа махтал тылларын аныыбыт!

Кинилэр, кѳҥүл туһугар охсуспут кэскиллээх дьыалалара биһиги ѳйбүтүгэр-санаабытыгар сырдык сулус буолан, хас биирдии саха саллаатын сырдык мөссүөнэ, албан аата, айар-тутар төрөөбүт дойдубут эдэр дьонун өйүгэр-санаатыгар, сүрэҕэр-быарыгар хаһан да умнуллуо суоҕа!