Кулун тутар 12 күнүгэр Лөгөй нэһилиэгэр Арассыыйа Үлэҕэ Дьоруойа, Үлэ албан аата уордьан толору кавалера Михаил Николаевич Готовцев үбүлүөйдээх 80 сааһыгар аналлаах “Килбиэннээх үлэ эстафетата” Социалистическай Үлэ Дьоруойа Анастасия Семеновна Копырина үлэнэн олоҕу тутуспут төрөөбүт-үөскээбит сиригэр-уотугар ыалдыттаата.
Үлэ Дьоруойун көрсөр тэрээһин алаадьылаах кымыһынан айах тутан, Лөгөй нэһилиэгин дьаһалтатын баһылыга Николай Николаевич Попов эҕэрдэ тылларынан арылынна. Лөгөй тэттик музейыгар Үлэ Дьоруойдарыгар аналлаах быыстапканы көрдүлэр, салгыы Лөгөй лицей-интернат үөрэнээччилэрин кытта көрсүһүүгэ сырыттылар, ону таһынан бааһынай хаһаайыстыбалар үлэлэрин көрдүлэр-иһиттилэр, сүбэ-ама биэрдилэр.
Бу тэрээһин биһиги нэһилиэкпит дьонугар сэргэтигэр, үүнэр көлүөнэ ыччакка патротическай тыыны, Ийэ дойдуга бэриниилээх буолуу иэйиитин түстээтэ.
Для отправки комментария необходимо войти на сайт.