МУНИЦИПАЛЬНОЕ БЮДЖЕТНОЕ УЧРЕЖДЕНИЕ "КЕПТЕНИНСКИЙ ЦЕНТР ДОСУГА ИМЕНИ ПЕТРА ПЕТРОВИЧА ОГОТОЕВА" МУНИЦИПАЛЬНОГО ОБРАЗОВАНИЯ "ЛЕГОЙСКИЙ НАСЛЕГ" УСТЬАЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Лөгөй нэһилиэгэр Айыыһыт ыйын айхаллыыр, Сандал сааһы көрсөр үгэскэ кубулуйбут V төгүлүн ыытыллар биир дойдулаахпыт,кадровай булчут Никифоров Алексей Прокопьевич аатынан “Байанай-2023” күрэх ыытылынна.

Муус устар 15 күнүгэр Кэптэни бөһүөлэгэр “Байанай-2023” күрэх Лөгей нэһилиэгин дьаһалтатын, “Добун” эр дьон түмсүүтүн, Никифоров Алексей Прокопьевич оҕолорун, аймахтарын тэрийиилэринэн үрдүк таһымҥа ыытылынна. Күрэх сахалыы саймаархай ырыанан, торжественнай парадынан, нэһилиэк баһылыгын эҕэрдэтинэн  арылынна. Никифоров Алексей Прокопьевич уолугар Алексей Алексеевичка “Лөгөй нэһилиэгин махтала” бэлиэ туттарылынна.

Быйылгы күрэх уратытынан урукку Партизан-Заболоцкай совхоз Баатаҕай, Уһун-Күөл, Тулуна, Хомустаах, Даалы уонна Кэптэни хамаандаларын икки ардылар буолла.

Сыала-соруга :

  1. Биир дойдулаахтарбыт,кадровай булчуттар ааттарын  үүнэр көлүөнэҕэ билиһиннэрии, киэҥ араҥаҕа сырдатыы;
  2. Чөл-доруобай, олоҕу пропагандалааһын, эдэр көлүөнэ ыччаты булт көрүҥнэригэр уһуйуу;
  3. Эр дьон бултка дьоҕурдарын сайыннарыы, көхтөөх буолалларын ситиһии.

Кыттыыны ыллылар Баатаҕай, Тулуна, Хомустаах, Даалы, Кэптэни  хамаандалара. Уопсайа 6 хамаанда 7 түһүмэххэ бэрт эрийсиилээхтик киирсэн тыҥааһыннаах күрэхтэһиини көрдөрдүлэр.

Күрэх түмүгүнэн кыайыылаахтарынан буоллулар:

I м.- Кэптэни “Бэргэн” хамаандата;

II м — Хомустаах хамаандата;

III м — Тулуна хамаандата.

Кыайыылаах хамаандалар Грамотанан, мэдээлинэн, сертификатынан наҕараадаланнылар. Ону таһынан  хамаандалар бары анал бириистэринэн бэлиэтэннилэр.

Күрэх кэмигэр күүлэй, атыы-тутуу дьаарбаҥката, лотерея оонньонон тэрээһин бэрт сэргэхтик ааста. Ыалдьыттар бу үтүө күҥҥэ сибиэһэй салгыҥҥа сынньанан, эттиин-хаанныын, өйдүүн-санаалыын чэбдигирэн,  үөрэн-көтөн тарҕастылар.

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>