«Ырыа куттаах бэтэрээннэр»

Сэтинньи ый сэттистиир күнүгэр Кэптэнинэн кииннэммит Лөгөй нэһилиэгэр, Арассыыйа үтүөлээх артыыһа, Аан дойду виртуоз хомусчута Бүөтүр Оҕотоойоп аатын сүгэр Кэптэнитээҕи сынньалаҥ киинигэр Улуу Кыайыы 80 сылыгар аналлаах “ЫРЫА КУТТААХ БЭТЭРЭЭННЭР” XII улуустааҕы ырыа күрэҕэр ааспыт үйэ күүрээннээх кэмнэрин, күргүөмнээх күннэрин санаһа, аҕам саастаах дьон эдэр саас ахтылҕанын эргитэн сомоҕолоһор, үөрэ-көтө түмсэр үтүө күннэрэ буолан ааста.

Ырыа түһүлгэтигэр улууспутуттан 8 нэһилиэк, 9 вокальнай ансаамбыл — уопсайа 85 конкурсант кыттыыны ыллылар. Күрэх дьүүллүүр сүбэтинэн үлэлээтилэр:

1. Саха Өрөспүүбүлүкэтин култууратын туйгуна, Саха Өрөспүүбүлүкэтин “Гражданскай килбиэн”, “Саха Өрөспүүбүлүкэтигэр норуот айымньытыгар кылаатын иһин” бэлиэлэр хаһаайката, Уус Алдан улууһун, Мүрү, Курбуһах нэһилиэктэрин Бочуоттаах олохтооҕо, Василий Васильевич Никифоров – Күлүмнүүр аатынан “Тойон Мүрү” култуура дыбарыаһын уус-уран салайааччыта – Валентина Романовна Варламова;
2. Саха Өрөспүүбүлүкэтин култууратын туйгуна, Уһун-Күөллээҕи “Аргыс” сынньалаҥ киин директора – Иннокентий Иннокентьевич Борисов;
3. Лөгөй лицей музыкаҕа учуутала, эдэр саҥа специалист – Ангела Романовна Харитонова .

ТҮМҮК

ГРАН-ПРИ – “Айылгы” вокальнай ансаамбыл, Кэптэни, сал.: Альбина Бурнашева, 30 000 уу харчынан наҕараадаланнылар;
1 степеннээх ЛАУРЕАТ – “Уостубат кыымнар” вокальнай ансаамбыл, Танда, сал.: Екатерина Готовцева, 10 000 уу харчынан наҕараадаланнылар ;
2 степеннээх ЛАУРЕАТ – “Көмүөл” эр дьон вокальнай ансаамбыла, Суотту, сал.: Филипп Габышев, 8 000 харчынан наҕараадаланнылар;
3 степеннээх ЛАУРЕАТ – “Ырыам уонна сибэкки” вокальнай ансаамбыл, Арыылаах, сал.: Евдокия Карамзина, 6 000 харчынан наҕараадаланнылар;
3 степеннээх ЛАУРЕАТ – “Күндүүнэ” вокальнай ансаамбыл, Мүрү, сал.: Мария Иванова, 6 000 харчынан биһирэннилэр ;
1 степеннээх ДИПЛОМАНТ – “Аал уот” вокальнай ансаамбыл, Кэптэни, сал.: Варвара Федорова, 4 500 харчынан биһирэннилэр;
2 степеннээх ДИПЛОМАНТ – “Иэйии” вокальнай ансаамбыл, Дүпсүн, сал.: Николай Бурцев, 3 000 харчынан ;
3 степеннээх ДИПЛОМАНТ – “Далбар” вокальнай ансаамбыл, Тумул, сал.: Альберт Васильев, 2 000 харчынан;
3 степеннээх ДИПЛОМАНТ – “Алгыс” вокальнай ансаамбыл, Баатаҕай, бэлэмнээтэ Марфа Готовцева.

Күрэх түмүгэр баянистарбыт – Николай Бурцев, Иннокентий Готовцев, Альберт Васильев, Владислав Кривошапкин “Доҕордоһуу” ырыатынан СВОДНАЙ ХОР таһааран үөрүүлээх быһыыга-майгыга күрэхпитин түмүктээтибит. Бары конкурсаннарга эҕэрдэ истиҥэ, махтал мааныта буолуохтун, өссө үрдүк ситиһиилэри баҕарабыт, эһиилги күрэххэ өссө элбиэххэйиҥ диэн баҕа санаабытын тиэрдэбит.
Тэрийээччилэр ааттарыттан улахан махталбытын биллэрэбит күрэхпит таһымнаахтык ааһарыгар бэйэлэрин кылааттарын киллэрбит, күүс-көмө, өйөбүл буолбут күндү спонсордарбытыгар, Лөгөй нэһилиэгин сэрии бэтэрээннэрин оҕолоругар, сиэннэригэр уонна ыҥырыыбытын ылынан кэлбит дьүүллүүр сүбэлэрбитигэр.
Эһиилги күрэххэ көрсүөххэ диэри!