Муус устар 5 күнүгэр Лөгөй нэһилиэгин Кэптэнитигэр Айыыһыт ыйын уруйдуу, Иэйэхсит сылын айхаллыы, Арассыыйаҕа — «Аҕа дойдуну көмүскээччилэр», Саха Өрөспүүбүлүкэтигэр — «Ийэ дойдуну көмүскээччилэр», Уус Алдан улууһугар — «Тыа хаһаайыстыбатын», Лөгөйбүт нэһилиэгэр — «Тупсаран оҥоруу» сылларынан, Улуу Кыайыы 80 сылын көрсө, амарах аҕалар, бааттаах булчуттар күннэрин бэлиэтиир Бартыhаан Заболоцкай сопхуос нэһилиэктэрин икки ардыларыгар үгэскэ кубулуйан 8 төгүлүн ыытыллар «БАЙАНАЙ — 2025 « тыҥааһыннардаах киирсиилэрдээх күрэхпит Лөгөй нэһилиэгин дьаһалтатын уонна Бүөтүр Оҕотоойоп аатынан сынньалаҥ киин көҕүлээһиннэринэн үрдүк таһымҥа буолан ааста. Уопсайа 3 хамаанда күөн-көрүстүлэр, хабыр-хапсыстылар:
— «Бэргэн» Кэптэни ыччыттарын хамаандата;
— «Бэдэр» Лөгөй лицей үөрэнээччилэрин уонна 2024 сыллааҕы выпускнитарын холбоһук хамаандата;
— уонна «Биэттэ булчуттара» Баатаҕай хамаандата.
Хамаандаларбыт 7 көрүҥҥэ күрэхтэстилэр
ТҮМҮККЭ:
— 1 миэстэ — «Бэргэн» хамаанда уонна үс төгүллээх чемпион аатын сүктүлэр;
— 2 миэстэ — «Биэттэ булчуттара» Баата5ай хамаандата
— 3 миэстэ — «Бэдэр» оҕолор, студеннар хамаандалара буоллулар
Ону тэҥэ биһиги Лөгөйбүт нэһилиэгин биир ахтыыбынай позициялаах олохтоохторо, Фекла Степановна уонна Михаил Иванович Колодезниковтар дьиэ кэргэттэрэ көрөөччүлэргэ сыллата ыытар ыйытык оонньууларын ыыттылар. Сөптөөх эппиэттэри биэрэн Мигалкин Егор Егорович, Попова Валентина Ефимовна уонна Баатаҕай олохтооҕо кыайыылаах буоланнар рассааданан наҕараадаланнылар.
Ону таһынан кэрэ аҥардарга сүүрүү күрэҕэ ыытыллынна. Кыайыылаах Иванна Анатольевна Никифороваҕа Борисов Николай Николаевич 5000 солкуобай уу харчынан бирииһэ туттарылынна.
Биhиги спонсордарбыт:
— «Кынат» фирма салайааччыта Местников Василий Васильевич — 6 духовой манок спонсордаата;
— Местников Марк Васильевич — фирменнай термос туруорда;
— Улуус депутата Бурнашев Анатолий Семенович — 2000 солкуобай уу харчы;
— Трифонов Петр Спиридонович — «Бэргэн» территориятыгар туртас лицензията.
Бары спонсордарбытыгар, сүүрэн-көтөн күүс-көмө буолбут дьоммутугар уонна Байанай күрэхпит бары кыттыылаахтарыгар «БАЙАНАЙ» күрэх тэрийэр хамыһыйатын аатыттан барҕа махталбытын, истиҥ э5эрдэбитин тиэрдэбит.
Баҕарабыт барыгытыгар чэгиэн доруобуйаны, дьолу-соргуну!
